PRO ORANTIBUS 2022 JARDUNALDIA
Otoitza
Zure aurrean gaituzu, Espiritu Santua,
zure izenean bildurik.
Zu zaitugu egiazko gure aholkularia,
zatoz guri laguntzera,
sar zaitez gure bihotzean.
Erakuts iezaguzu bidea,
erakutsi guri helmugara iristen.
Pertsona ahulak eta bekatariak garenez,
ez utzi guri norabidea galtzen.
Ezjakin izateak ez gaitzala
okerreko bidetik eraman.
Emaguzu bereizmenaren dohaina,
gure egintzak aurreiritzi
eta okerreko ikuspegien mende
burutu ez ditzagun.
Eraman gaitzazu batasunera Zeuregan,
egiaren eta zuzentasunaren bidetik
aldendu ez gaitezen.
Egizu, lur honetako gure ibilbidean
ahalegin gaitezela betiko bizia iristen.
Hau eskatzen dizugu Zuri,
aldi eta leku guztietan
Aitarekin eta Semearekin elkarturik
aritzen zaren horri,
gizaldi eta gizaldietan. Amen